Şərurun bu kəndlərində işıq fasilələrlə veriləcək

Noyabrın 4-də 154/110/35 kV-luq "Arpaçay" yarımstansiyasında AzərEnerji” ASC-nin Naxçıvan Enerji MMC tərəfindən aparılan təmir bərpa işləri ilə əlaqədar verilən sifariş əsasında 35 kv luq "Xanlıqlar" və "Mahmudkənd" hava elektrik xətlərində elektrik enerjisinin verilişi müvəqqəti dayandırılacaq.

“Azərişıq” ASC-nin Naxçıvan Regional Enerji Təchizatı və Satışı İdarəsindən (RETSİ) News24.az-a verilən məlumata görə, bununla əlaqədar, sabah saat 13:00-dan 15:00-dək Şərurun Cəlilli, Mahmudkənd, Oğlanqala, Yeni Havuş, Xətai, Oğuz, Aşağı Daşarx, Tənənəm, Danyeri, Xanlıqlar, Püsyan, Təzəkənd, Stansiya Daşarx, Ələhli, Vərməziyar, İbadulla, Qışlaq Abbas və Tumaslı kəndlərində elektrik enerjisinin verilişində müvəqqəti fasilə yaranacaq.

Qeyd edək ki, enerji təchizatı sisteminin etibarlılığının artırılması məqsədilə elektrik verilişi xətlərində və yarımstansiyalarda təmir-bərpa və yenidənqurma işləri mərhələli şəkildə davam etdirilir. Görülən işlər başa çatdıqdan sonra qeyd olunan ərazilərdə yaşayan abonentlərin daha keyfiyyətli, etibarlı və dayanıqlı elektrik enerjisi ilə təmin olunması nəzərdə tutulur.