Pentaqon hipersəs silahlarının istehsalı potensialını gücləndirir

ABŞ Prezidenti Cozef Bayden yeni hipersəs silah sistemlərinin və digər təyyarə texnologiyalarının inkişafı, sınaqdan keçirilməsi, istehsalı üçün bazanı genişləndirmək üçün Müdafiə İstehsalı Aktından istifadə etmək qərarına gəlib.

Bu barədə “Report” Pentaqonun rəsmi bəyanatına istinadən xəbər verir.

“Prezident Cozef Bayden, Müdafiə İstehsalı Aktının (DPA) III Başlığına ölkənin daxili hipersəs sənaye bazasını yenidən qurmaq və genişləndirmək səlahiyyətlərini verən sərəncamı imzalayıb”- məlumatda deyilir.

Eyni zamanda vurğulanıb ki, hava reaktiv mühərriklər, qabaqcıl avionika, istiqamətləndirici sistemlər, eləcə də hipersəs sistemləri üçün kompozit materiallara xüsusi diqqət yetiriləcək.

Müdafiə Nazirliyi bildirib ki, prezidentin qərarı ABŞ-ın qabaqcıl reaktiv texnologiyasını yeni səviyyəyə keçidini sürətləndirəcək.