Zelenski Rusiya və İrandan olan 141 hüquqi şəxsə sanksiya tətbiq edib

Ukrayna Prezidenti Volodimir Zelenski Rusiya və İrandan olan 141 hüquqi şəxsə qarşı yeni sanksiyalar tətbiq edib.

News24.az xəbər verir ki, müvafiq sərəncam Ukrayna Prezidentinin Ofisinin saytında dərc olunub.

Bununla da Ukrayna Milli Təhlükəsizlik və Müdafiə Şurasının 18 mart tarixli “İqtisadi və digər məhdudlaşdırıcı tədbirlərin (sanksiyaların) tətbiqi və dəyişdirilməsi haqqında” qərarı qüvvəyə minib.

Sanksiyalar 10 il müddətinə tətbiq edilir, aktivlərin bloklanmasını, ticarət əməliyyatlarının həyata keçirilməsini məhdudlaşdırmağı, iqtisadi və maliyyə öhdəliklərinin yerinə yetirilməsini dayandırmağı və digər qadağaları nəzərdə tutur.