Yeni məlumatlar gəldi: Düşmənin tabor komandiri məhv edildi – FOTO

Aprelin 11-də Azərbaycanla sərhəddə təxribat törədərkən məhv edilən erməni hərbçilərdən biri – Mkrtç Armeni Arutyunyanın Ermənistan ordusunda yüksək vəzifə tutduğu bildirilir.

News24.az globalinfo.az-a istinadən xəbər verir ki, bu barədə erməni mediası məlumat yayıb.

Bildirilib ki, o, yenicə tabor komandiri vəzifəsinə təyin edilibmiş. Onun xüsusi hazırlıqlı zabit olduğu, 2020-ci il müharibəsində də iştirak etdiyi bildirilib.

Erməni hərbçiləri onun ordu üçün “böyük itki” olduğunu deyiblər.

Xatırladaq ki, aprelin 11-i saat 16:20 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətindəki üzbəüz mövqelərini müxtəlif çaplı silahlardan istifadə etməklə atəşə tutub.

Ermənistan tərəfinin təxribatının qarşısını alarkən Azərbaycan Ordusunun hərbi qulluqçuları Zalov Vidadi Nizami oğlu, Həsənov Elşad Qabil oğlu və Tağıyev Səbuhi Gündüz oğlu şəhid olub. Ermənistan tərəfindən isə 4 ölü və 6 yaralı var.