"Elektron diplomlara keçid üzrə işlər davam etdirilir" - Nazir

"Elektron diplomalara keçid üzrə işlər davam etməkdədir".

News24.az xəbər verir ki, bunu jurnalistlərə açıqlamasında Elm və Təhsil Naziri Emin Əmrullayev deyib.

O bildirib ki, bunun üçün bəzi məlumatların digər qrumlardan inteqrasiya olunmasına ehtiyac var.

"Eyni zamanda, elektron diplomlara keçid ilə bağlı qanunvericilikdə dəyişikliklər olunmalıdır. Elm və Təhsil Nazirliyi olaraq buna hazırıq. Ali təhsil müəssisələrinin bütün məlumat sistemləri toplanılıb. Burada vətəndaşların tələbə qəbulu prosesi, təhsil alan tələbələr və tələbə-məzun məlumatları yer alır. Vətəndaşlar məlumat bazası ilə diplomlarının həqiqiliyini onlayn qaydada yoxlaya bilərlər".