Çörəyin qiyməti ilə bağlı nazirdən açıqlama

"Azərbaycan buğdanın bir hissəsini idxal edir və idxal etdiyi ölkələrdə buğdanın qiyməti bir qədər artıb".

News24.Az bildirir ki, bunu iqtisadiyyat naziri Şahin Mustafayev jurnalistlərə açıqlamasında deyib. O, qeyd edib ki, qiymət artımının təsiri Azərbaycanda da hiss oluna bilərdi: 
"Amma bununla bağlı hökümət tərəfindən zəruri tədbirlər görülüb. Həm buğda idxalçıları, həm çörək bişirən sahibkarlarla, həmçinin ticarət şəbəkələrinin nümayəndələri ilə görüşlər keçirilib, hesablamalar aparılıb. Çörəyin qiymətində hər hansı dəyişiklik bu günki vəziyyətə gözlənilmir. Lazım olan hallarda hökümət tərəfindən əlavə tədbirlər görüləcək ki, bu qiymətlər alıcılara təsir göstərməsin".