Peskov: Rusiya Ukraynadakı münaqişənin dondurulmasına qarşıdır

Rusiya Ukraynadakı münaqişənin dondurulmasına qarşıdır.

News24.az xəbər verir ki, bunu Kremlin mətbuat katibi Dmitri Peskov deyib. 

Peskov jurnalistlərin Rusiya Ukraynadakı münaqişənin dondurulmasına yol verməməklə bağlı Qərblə həmrəy olub-olmasına dair suala cavab verərkən deyib: “Bu fikirlə həmrəyik. Rusiya yalnız xüsusi hərbi əməliyyatın başa çatdırılması imkanlarını nəzərdən keçirir”.

Bundan əvvəl Almaniya kansleri Olaf Şolz bildirib ki, Ukraynadakı vəziyyətlə bağlı sülh danışıqlarının aparılması münaqişəni dondurmaq məqsədi daşımamalıdır. Ukraynanın xarici işlər naziri Dmitri Kuleba isə Ukrayna münaqişəsinin dondurulmasının qəbuledilməz olduğunu bəyan edib.

Qumral