Ukraynanın əks hücumu Qərbin gözləntilərini doğrultmur — CNN

“İlkin mərhələdə Ukraynanın əks-hücum əməliyyatı daha az uğurlu olur və Rusiya qüvvələri Qərb ekspertlərinin gözlədiyindən daha çox bacarıq nümayiş etdirir”.

News24.az xəbər verir ki, bu barədə Qərbdəki yüksək rütbəli hərbi mənbələr CNN-ə bildiriblər.

“Əks-hücum heç bir cəbhədə gözləntiləri doğrultmur”, mənbələrdən biri qeyd edib.

Qərbin qiymətləndirmələrinə görə, Rusiyanın müdafiə xətləri yaxşı möhkəmləndirilib və bu, Ukrayna qüvvələrinin onları keçməsini çətinləşdirir. Bundan əlavə, Rusiya qoşunları raket zərbələri və minalarla Ukraynanın zirehli texnikasının qarşısını uğurla alır, həmçinin hava gücündən daha səmərəli istifadə edir.

Mənbələrdən biri bildirib ki, Ukrayna qüvvələri minalanmış sahələrə qarşı “həssas”, Rusiya qüvvələri isə onları qorumaqda “bacarıqlıdır”.

Mənbələr xəbərdarlıq ediblər ki, əks-hücum hələ ilkin mərhələdədir və ABŞ və onun müttəfiqləri Ukrayna qüvvələrinin zamanla ərazi uğurları əldə edə biləcəyinə dair nikbindirlər. ABŞ və müttəfiqlərinin son bir neçə həftə ərzində tədricən başlayan və müharibədə kimin qalib gələcəyini müəyyən etmək üçün həlledici hesab edilən əks-hücumun gedişatını daha dolğun qiymətləndirmək üçün çox güman ki, ən azı iyul ayına qədər gözləyəcəklər.

Bundan əlavə, mənbələr qeyd edirlər ki, Ukrayna qoşunları özləri də Rusiyanın taktikasına və müdafiəsinə uyğunlaşır, o cümlədən piyadalardan istifadə etməklə daha çox əməliyyat keçirir. Son günlər Ukrayna qüvvələri də Rusiya təyyarələrini hədəfə almaq və vurmaqda daha uğurlu olub.
“Nəticədə əks-hücum Ukrayna və Rusiya üçün ağır sınaq olduğunu sübut edir hər iki tərəf ağır itkilər verir”, - Qərb rəsmilərindən biri deyib. 

Akqabay