Tanınmış avtoritet şou-biznezçilərimizi rəzil etdi

Mərhum azərbaycanlı ”qanuni oğru” Rövşən Lənkəranskinin ölümündən sonra onun bir nömrəli varisi sayılan Çeçen əsilli kriminal avtoritet "Şeyx Həmzət" ləqəbli, Həmzət Qastəmirov şou-biznes nümayəndələrini özünün İnstagram səhifəsində tənqid edib.

Kriminal avtoritet ötən gün Xocalı soyqırımının 27-ci ildönümü münasibəti ilə dərin üzüntü hissi keçirdiyini bildirib.
O, azərbaycanlı News24.Az-ın şou-biznesin əksər nümayəndələri arasında Xocalı soyqırımı ilə bağlı keçirdiyi sorğudan ibarət videonu paylaşaraq, onları tənqid edib. Videoda əksər azərbaycanlı məşhurların Xocalı faciəsinin başvermə tarixindən xəbərsiz olmaları yer alıb.

“Ar olsun, Xocalı soyqırımını unudan hər bir Azərbaycan çörəyini yeyən məxluqlara!!!”, – deyə avtoritet qeyd edib.