Quterreş Putinə taxıl sazişinin uzadılması ilə bağlı məktub ünvanladı

BMT-nin Baş katibi Antonio Quterreş Rusiya Prezidenti Vladimir Putinə taxıl müqaviləsinin uzadılması ilə bağlı məktub göndərib.

News24.az xarici KİV-ə istinadən xəbər verir ki, bu barədə Baş katibin rəsmi nümayəndəsi Stefan Düjarrik məlumat yayıb.

Onun sözlərinə görə, Quterreş anlaşma memorandumunun həyata keçirilməsinin hazırkı Qara dəniz təşəbbüsünün saxlanılması zərurəti ilə uyğunlaşdırılmasına yönəlmiş təklif irəli sürüb.

Stefan Düjarrik bildirib ki, məktubda Baş katib sövdələşmənin hər iki hissəsinin uyğunlaşdırılması təklifini edib.