Naxçıvanda işdən çıxarılan müavinə yeni vəzifə verildi

Naxçıvan Muxtar Respublikası (MR) Dövlət Vergi Xidmətinin rəis müavini postundan azad edilən Fərrux Əkbərova yeni vəzifə verilib.

News24.az xəbər verir ki, Əkbərov Fərrux Məmmədağa oğlu Naxçıvan MR Dövlət Vergi Xidmətinin Vergi cinayətlərinin ibtidai araşdırılması idarəsinin Əməliyyat şöbəsinin rəisi edilib.

Qeyd edək ki, Fərrux Əkbərov mayın 15-də Naxçıvan Ali Məclisi sədrinin müavini, sədr səlahiyyətlərini icra edən Azər Zeynalovun sərəncamı ilə Dövlət Vergi Xidmətinin rəis müavini vəzifəsindən azad edilib./Qaynarinfo/