Mağaza işçisi 16 yaşlı qızın üzünü kəsdi

Yaroslavl yaxınlığında bir qadın bıçaqla 16 yaşlı qıza hücum edərək üzünü kəsib.

News24.az xarici mətbuata istinadən xəbər verir ki, bu barədə regional İK-nin mətbuat xidməti məlumat yayıb .

Zərərçəkənin böyük bacısı sosial şəbəkədə başına gələnləri danışıb. Onun sözlərinə görə, uzun müddətdir davam edən münaqişə zəminində yerli mağazada işləyən 37 yaşlı Mixaylovskoye kənd sakini 16 yaşlı qıza bıçaqla hücum edib. Hadisə nəticəsində uşağın yanağında böyük kəsik olub, ona bir neçə tikiş qoyulub.

Hadisənin şahidləri bildirib ki, onun qızla uzun müddət münaqişəsi olub.

"Qadın ona hücum edərək əvvəlcə onu təpikləyib. Daha sonra qızgilin evlərinə gedib və qəfildən qapını açıb. Sonra isə bıçaqla onun üzünə xəsarətlər yetirib”, - deyə yerli sakinlərdən biri bildirib.

Aynurə