Nümayişdə PKK-nın rəhbərləri peyda oldu

Terror təşkilatı PKK-nın Avropadakı liderləri Zübeyir Aydar və Adem Uzun Belçikanın paytaxtı Brüsseldə Avropa Parlamenti qarşısında PKK lideri Abdullah Öcalan üçün keçirilən nümayişə çıxıblar.

News24.az xəbər verir ki, Türkiyənin qırmızı siyahıda axtardığı terrorçular Zübeyir Aydar və Adem Uzun terror təşkilatı PKK-nın lideri Öcalanın lehinə nümayişə qatılıb.

Brüsseldə keçirilən nümayişdə terrorçuların lideri Öcalanın fotoşəkili olan pankartlar açılıb, PKK lehinə şüarlar səsləndirilib.

Bəzi Avropa ölkələrindən qeyri-hökumət təşkilatları və bələdiyyə nümayəndələrinin qatıldığı nümayişdə Öcalana dəstək ifadələri səsləndirilib.

Qırmızı bülletenlə axtarışda olan PKK terror təşkilatının Avropadakı liderləri Adem Uzun və Zübeyir Aydarın uzun illərdir Belçikada yaşadığı məlum olub.