Ukrayna Krıma DESANT ÇIXARDI - Qırıcılar qaldırıldı, şiddətli döyüş gedir

Krımda bu gün səhər saatlarında döyüş olub. Ukrayna kəşfiyyat bölmələri xüsusi əməliyyat çərçivəsində eniş həyata keçirib.

News24.az xəbər verir ki, bu barədə RBC-Ukrayna Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusova istinadən məlumat yayıb.

“Xüsusi əməliyyat çərçivəsində şəxsi heyət yarımadanın ərazisinə endirilib. Hərbi Dəniz Qüvvələri ilə Əməkdaşlıq üzrə Baş Kəşfiyyat İdarəsi xüsusi əməliyyat keçirib”, - Yusov bildirib.

Eyni zamanda o qeyd edib ki, şəxsi heyət arasında itki yoxdur və əməliyyat davam edir.

“Biz bütün təfərrüatları açıqlamırıq, düşmənin şəxsi heyəti, eləcə də qüvvə və vasitələri arasında itkilər var. İtkilərin sayı barədə məlumat dəqiqləşdirilir", - Yusov əlavə edib.

KİV daha əvvəl Krımda qırıcılarla döyüş barədə məlumat vermişdi.

Qeyd edək ki, yerli Teleqram kanalları bu gün səhər saat 5-dən Tarxankut burnunda Mayak qəsəbəsi yaxınlığında partlayış səslərinin eşidildiyini yazıb.

“Krym Realii” nəşrinin məlumatına görə, ərazidə qayıqların və təyyarələrin iştirakı ilə döyüş baş verib, lakin nəşr detalları açıqlamayıb.

Əlavə edirik ki, Rusiya mənbələri də Krımda partlayışlarla bağlı insident barədə məlumat yayıb. Onlar "qayıqlarda olan naməlum şəxslərin insanlarla birlikdə düşərgəyə atəş açdığını" qeyd ediblər. Daha sonra Rusiyanın “Shot Telegram” kanalı Tarxankut burnu yaxınlığında qondarma “diversiyaçıların” məhv edilməsi barədə yazıb.

Akqabay