Rusiya İrandan “Shahed”lərin yeni partiyasını alıb

Rusiya İrandan “Shahed” zərbə PUA-larının yeni partiyasını alıb.

News24.az UNIAN-a istinadən xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin (BKİ) nümayəndəsi Andriy Yusov ümum-Ukrayna telemarafonunun canlı yayımında bildirib.

“Bəli, bu yeni partiyadır, lakin “Shahed”lərin ilkin kütləvi istifadəsi ilə müqayisədə bu, açıq şəkildə daha kiçikdir. Biz indi sayı şərh etmirik, amma görürük ki, məsələn, dünənki kütləvi terror raket zərbələri zamanı "Shahed"lərdən istifadə olunmayıb. Bütün digər mövcud vasitələrdən, bütün raket silahlarından istifadə edilib” - Yusov bildirib.