Cəlilabadda yol-nəqliyyatı qəzası baş verib.

News24.az Qafqazinfo-ya istinadən xəbər verir ki, hadisə rayonun Heydər Əliyev prospektində baş verib.

Belə ki,  "VAZ-2106" və "VAZ-2107" markalı minik avtomobilləri toqquşub. Nəticədə rayon sakinləri, 30 yaşlı Şahmar Rəcəbov və 16 yaşlı Cahan Hüseynova müxtəlif dərəcəli xəsarətlər alıblar.

Yaralılar Cəlilabad Rayon Mərkəzi Xəstəxanasına çatdırılıb.

Faktla bağlı araşdırma aparılır.