Türkiyədə məktəbdə 65 şagird qidadan zəhərlənib

Türkiyənin Uşak şəhərində 65 şagird qidadan zəhərlənib.

News24.az "Report"a istinadən xəbər verir ki, bəzi şagirdlər ibtidai məktəbin yeməkxanasında toyuq dönəri və düyü yeyəndən sonra ürəkbulanma, ishal və halsızlıqdan şikayətlənməyə başlayıb.

Onların hamısı Uşak Təhsil və Araşdırma Xəstəxanasına yerləşdirilib. Müalicəsi başa çatan 32 şagird evə buraxılıb.

Aidiyyəti qurumlar yeməkxanada satılan qidadan nümunə götürərək araşdırmaya başlayıb.