Onkoloji xəstəlikdən əziyyət çəkən Ramiz Məlik səhhətindən DANIŞDI - FOTO

Bir müddət əvvəl Xalq artisti Ramiz Məlik onkoloji xəstəlikdən əziyyət çəkdiyini və bununla əlaqədar Milli Onkologiya Mərkəzində müalicə aldığını açıqlamışdı. 

News24.az  xəbər verir ki, 80 yaşlı sənətkarın səhhəti ilə bağlı Bizim.Media-nın əməkdaşı aktyorla əlaqə saxlayıb.

R. Məlik sağlamlıq vəziyyətini qısa olaraq belə şərh edib:  

“Hər şey normaldır. Evdəyəm. Heç kimə heç nə hesabat vermək istəmirəm”. 

Akademik Milli Dram Teatrının aktyoru Əməkdar artist Aslan Şirinin sənətkarla çəkdirdiyi şəkildə onun xeyli çəki atması diqqətdən yayınmamışdı.

Aktyor bu halı ilə bağlı “İnsan xəstə olanda arıqlayır. Burada şişildəcək bir şey yoxdur. Xudafiz” sözlərini dilə gətirib.