Həlak olan uşaqların ayaqlarındakı yazılar hərkəsi KÖVRƏLTDİ

Qəzzada həyatını itirən uşaqların qollarına, sinəsinə və ayaqlarına adlarının yazıldığı fotolar görənləri məyus edib.

News24.az Bakupost.az-a istinadən xəbər verir ki, bununla bağlı sosial mediada görüntülər paylaşılıb.

İsrailin hücumlarında həyatını itirənlər arasında çox sayda uşağın da olduğu xəstəxanada CNN tərəfindən çəkilən qan dondurucu görüntülər diqqət çəkib.

Xəstəxananın meyitxanasına gətirilərək yerdə saxlanılan uşaqların qol və ayaqlarına adlarının yazıldığı görülüb.

Məscidül-Əqsa Şəhidləri Xəstəxanasının təcili yardım şöbəsinin müdiri Abdulrahman El-Mesri uşaqların adlarının üzərilərinə qara mürəkkəblə yazıldığını bildirib.

"Valideynlər övladlarını hava hücumlarından sonra və ya itib-batdıqda tanımaq üçün ayaqlarına adlarını yazır. Bu, Qəzzada “yenilikdir””.