71 illik “Formula 1” rekordunu yenilədi

"Red Bull" komandasının sürücüsü Maks Ferstappen cari mövsümdə qalibiyyət faizi üzrə Alberto Askarinin 71 illik rekordunu qırıb.

News24.az İdman.Biz-ə istinadən bildirir ki, Braziliya Qran Prisindəki qələbə 26 yaşlı niderlandlının mövsümdə 17-ci qələbəsi olub.

Qeyd edək ki, ümumilikdə mövsümə 22 mərhələ daxildir. Ferstapen növbəti 2 yarışı qazana bilməsə belə, onun faizi istənilən halda 75-dən yuxarı olacaq (minimum 77,3).

Xatırladaq ki, 1952-ci ildə italiyalı Alberto səkkiz yarışdan altısında qalib gələrək 75 faiz nəticə əldə edib.