"Müharibə istəmirik" - ABŞ

Birləşmiş Ştatlar İrana İsrail və HƏMAS arasında hərbi əməliyyatlar fonunda Yaxın Şərqdə münaqişəni gərginləşdirməyə çalışmadığını bildirmək üçün addımlar atıb.

News24.az xəbər verir ki, bu barədə "CNN" yüksək rütbəli ABŞ hərbi rəsmisinə istinadən məlumat yayıb.

“İsrail və HƏMAS arasında davam edən münaqişə səbəbindən artan gərginlik fonunda biz İranla, İraqda, Livanda İrana bağlı qruplar və regional tərəfdaşlarımızla birbaşa əlaqə yaratmaq üçün əlavə addımlar atdıq... Biz aydınlaşdırmağa çalışırıq ki, hərbi əməliyyatlarımız bu, İsrail və HƏMAS arasındakı münaqişəyə münasibətimizi dəyişməyə işarə etmir və bizim regionda münaqişəni qızışdırmaq niyyətimiz yoxdur”, - deyə rəsmi vurğulayıb.

Bundan əvvəl Pentaqon ABŞ Hərbi Hava Qüvvələrinin Amerika qüvvələrinin regionda davam edən atəşə məruz qalmasına cavab olaraq Suriyanın şərqində iranpərəst qrupların silah anbarına hücum etdiyini bildirmişdi.

Ayşən