İsrail HƏMAS-ın “qala”sını ələ keçirdi

İsrail qoşunları Qəzzada HƏMAS-ın “qala”sını ələ keçirib və bu qruplaşmaya aid 450-yə yaxın obyektə zərbələr endirib.

News24.az xəbər verir ki, bu barədə İsrail Müdafiə Qüvvələri (TSAXAL) məlumat yayıb.

HƏMAS-ın zərbə endirilən hərbi kompleksinə müşahidə məntəqələri, raket buraxılış mövqeləri, təlim meydançaları və yeraltı tunellər daxildir.

İsrail hərbçilərinin mövqeləri ələ keçirərkən çox sayda HƏMAS üzvünü və səhra komandirlərini məhv etdikləri bildirilir. Hava zərbələri nəticəsində HƏMAS-ın xüsusi əməliyyatlar bölməsinin rəhbəri Camal Musa da öldürülüb.

Qeyd edək ki, ümumilikdə İsrail ordusu HƏMAS-ın 450-dən çox hədəfinə zərbələr endirib.

Ayşən