Lalə Məmmədovanın prodüseri: "Kişi hərəkəti deyil" - AÇIQLAMA

Aliment üstündə əməkdar artist Lalə Məmmədovanın keçmiş həyat yoldaşı İlham Qafarovla münasibətləri son həddə çatıb.

News24.az xəbər verir ki, İ. Qafarov yerli mətbuata müğənninin ucbatından intihar etmək həddinə çatdığını bildirib. Onun bu açıqlaması birmənalı qarşılanmayıb. Hər kəs Lalə Məmmədovanın ittihamlara reaksiyasını maraq edərkən, müğənninin prodüseri Vəfa Nuriyeva sərt açıqlama verib. Əməkdar artistin hazırda ABŞ-da olduğunu xatırladan prodüser İ. Qafarovun açıqlamasını kişiliyə yaraşmayan hal kimi qiymətləndirib.

Bildirib ki, Lalə Məmmədova yaxın günlərdə ABŞ-dan dönən kimi yaranmış xoşagəlməz vəziyyətlə bağlı mətbuata geniş açıqlama verəcək.

Yeganə RZAXANOVA