Bakıda Çoxmillətli Sülhü Dəstəkləmə Əməliyyatları üzrə kurs keçirilib - VİDEO

Azərbaycan Respublikası və Böyük Britaniya və Şimali İrlandiya Birləşmiş Krallığının Müdafiə Nazirlikləri arasında imzalanmış hərbi əməkdaşlıq planına əsasən Bakıda “Çoxmillətli Sülhü Dəstəkləmə Əməliyyatları üzrə təlimatçı hazırlığı kursu” keçirilib.

Müdafiə Nazirliyinin Mətbuat Xidmətindən News24.az-a verilən məlumata görə, Britaniya Hərbi Məsləhətçi Təlim Qrupu tərəfindən təşkil edilən praktiki məşğələlərdə Azərbaycan Ordusunun hərbi qulluqçuları bilik və bacarıqlarını təkmilləşdiriblər.
Kursda iştirak etmiş hərbi qulluqçulara sertifikatlar təqdim olunub.