“Qeyri-rəsmi məşğulluğun qarşısının alınması” mövzusunda tədbir keçirilib

Hər bir işçinin təhlükəsiz və sağlam şəraitdə işləmək hüququ vardır. İşçi ilə əmək müqaviləsi bağlanarkən də müqavilənin şərtləri qanunvericilikdə nəzərdə tutulan əməyin mühafizəsi normalarının tələblərinə uyğun olmalıdır. 

Eyni zamanda, əmək müqaviləsində işəgötürən işçinin sağlam və təhlükəsiz əmək şəraitinə təminat verilməsi öhdəliyini göstərməlidir. 

News24.az-ın məlumatına görə, bu fikir Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin 5 saylı regional bölməsinin Bakı şəhərində yerləşən “Bakı Gəmiqayırma Zavodu” MMC-də “Əməyin mühafizəsi normaları, qaydaları və prinsipləri” və “Qeyri-rəsmi məşğulluğun qarşısının alınması” mövzularında keçirdiyi maarifləndirmə tədbirində vurğulanıb. Tədbirdə Bakı şəhərində fəaliyyət göstərən işəgötürənlərin nümayəndələri, əməyin mühafizəsi üzrə mütəxəssislər, işçilər iştirak edib.

İş yerlərində əməyin mühafizəsini təmin edilməsi üçün işəgötürənlərin vəzifələri diqqətə çatdırılıb. Əmək Məcəlləsində əksini tapan əməyin mühafizəsi normaları, qaydaları və prinsipləri barədə ətraflı məlumat verilib. Əməyin mühafizəsi üzrə işçilərin də üzərinə düşən vəzifələr qeyd edilib.