Sumqayıtda MƏŞHUR CİBGİR SAXLANILDI - VİDEO

Sumqayıt Şəhər Polis İdarəsinin 2-ci Polis Bölməsinin əməkdaşları tərəfindən həyata keçirilən əməliyyat-axtarış tədbirləri nəticəsində sərnişin avtobuslarında cibgirlik edən əvvəllər məhkum olunmuş 1983-cü il təvəllüdlü Binyat Binyatov saxlanılıb. 

News24.az xəbər verir ki, araşdırma zamanı onun avtobusda bir nəfər Sumqayıt şəhər sakini olan qadının içərisində 1500 manat, bank kartları və sənədləri olan çantasını oğurladığı məlum olub.

 B.Binyatovun qanunsuz hərəkətləri avtobusda quraşdırılan kameralar vasitəsi ilə də qeydə alınıb. 

Saxlanılan şəxsin başqa bu kimi analoji cinayətlər törətməsi istisna edilmir. 

Onun qanunsuz əməllərindən zərərçəkən başqa vətəndaşlar varsa polis orqanlarına müraciət edə bilərlər.