SON DƏQİQƏ! Bu şəxslər müəllim ola bilməyəcək

Uşaqlara qarşı cinsi istismara görə məhkum olunmuş şəxslər pedaqoji fəaliyyətlə məşğul ola bilməyəcək.

News24.az xəbər verir ki, bu, Milli Məclisin bu gün keçirilən iclasında müzakirəyə çıxarılan "Ümumi təhsil haqqında” qanuna təklif edilən dəyişiklikdə əksini tapıb.

Təklif edilən dəyişikliklər uyğunlaşdırma xarakterlidir. Sənədə daxil olan "Ümumi təhsil haqqında” qanunun 27.2.5-ci maddəsində "və ya” sözlərindən sonra "cinsi” sözü əlavə edilir. Düzəlişə əsasən, uşaqlara qarşı cinsi istismar və ya cinsi zorakılıqla bağlı cinayətə görə məhkum olunmuş şəxslər pedaqoji fəaliyyətlə məşğul ola bilməzlər.

Müzakirələrdən sonra sənəd səsverməyə qoyularaq III oxunuşda qəbul edilib.