Birtərəfli yola “protiv” çıxan “Prius” qəzadan son anda yayındı - VİDEO

Sabunçu rayonu Bakıxanov qəsəbəsində kobud qayda pozan sürücü kameraya düşüb.

News24.az Avtosfer.az-a istinadla bildirir ki, hadisə dekabrın 21-də saat 17:30 radələrində qeydə alınıb. Videodan göründüyü kimi, 99-VY-796 dövlət nömrə nişanlı “Toyota Prius” markalı avtomobilin sürücü birtərəfli yola çıxıb. Bu zaman o, qarşıdan gələn avtomobilə qəza təhlükəsi yaradıb. Sürücü ehtiyatlı davranaraq avtomobilin hərəkətini saxlayıb. Həmçinin qayda pozan “Prius” sürücüsü də dayanıb və geri sürərək avtomobilin hərəkətinə şərait yaradıb.