Təhsil Nazirliyi zorakılığa məruz qalan şagirdlər üçün “Qaynar xətt” yaradır

Təhsil Nazirliyi zorakılığa məruz qalan şagirdlər üçün “Qaynar xətt” yaradılır.

News24.az xəbər verir ki, bu barədə təhsil naziri Ceyhun Bayramov bu gün keçirdiyi mətbuat konfransında açıqlama verib:

"Nazirlik tərəfindən bu sahədə bəzi yeniliklərin edilməsi planlaşdırılır, o cümlədən məktəbdə  şagirdlər arasında münasibətlərin tənzimlənməsi, sağlam mühitin yaradılması istiqamətində ictimai müzakirələr və məsələyə diqqətin cəlb edilməsi çox vacibdir. Məktəbdə bu və ya digər zorakılığa məruz qalmış şagird və ya valideyn tərəfindən birbaşa olaraq təhsil idarəetmə orqanlarında bu mövzu ilə bağlı təşkil edilən “Qaynar xətt”lərə müraciət etmək imkanı yaradılacaq".