FİFA dünya çempionatında hansı dəyişikliklər olacaq?

FİFA may ayında keçiriləcək konqresində dünya çempionatı çempionuna verilən kubokla bağlı dəyişikliyi gündəmə gətirəcək.

News24.az xəbər verir ki, ilk dəfə 1930-cu ildə təşkil edilən dünya çempionatında çempion komandaya verilən kubok 1974-cü ildə dəyişdirilib. Eyni kubokdan 1991-ci ildən qadınlar arasında dünya çempionatında istifadə olunur.

FİFA 3 ölkənin təşkil edəcəyi 2026 Dünya Çempionatı ilə dəyişiklik etməyə hazırlaşır.

İspaniya mətbuatı AS-da dərc olunan xəbərdə FİFA-nın dünya çempionatı ilə bağlı dəyişiklik təklif edəcəyi qeyd edilib.

Bildirilib ki, iki turnir üçün iki fərqli kubok əvəzinə dünya çempionatı üçün tək kubokun verilməsi nəzərdə tutulurdu.

Mayın 17-də Banqkokda FIFA-nın 74-cü konqresi keçiriləcək.

2026-cı il dünya çempionatına ABŞ, Kanada və Meksika ev sahibliyi edəcək.

Qadınlar arasında Dünya Kuboku 2027-ci ildə keçiriləcək.

Günel Məlikzadə