Burnundan muncuq çıxardılar - Bakıda OLAY

10 yaşında burnuna soxduğu muncuğu 19 yaşında Xətai Tibb Mərkəzində əməliyyatla xaric etdilər.

News24.az Modern.az-a istinadla xəbər verir ki, Zərbəliyeva Xədicə Xətai Tibb Mərkəzinə baş ağrıları, qaymorit şikayəti ilə gəlib. Burnunda həmişə çirk qoxusu və başında kəskin ağrı olub, nəfəs almaqda çətinlik çəkib.

Müayinələrdən aydın olub ki, onun burnunda çəpər əyriliyi, balıqqulağı hipertrofiyası var. Həmçinin pasiyentin burnunun sağ tərəfində yad cisim (renorit) aşkarlanıb.

LOR-cərrah Vahid Mehdiyevin dediyinə görə, rinorit uzun müddət qalıb özünə yer etdiyindən, burun suyundakı duzların çöküntüsü sayəsində balaca muncuq girintili-çıxıntılı böyük daşa çevrilib.

Vahid Mehdiyev əməliyyatla pasiyenti üç problemdən eyni vaxtda azad edib.

Əməliyyatdan sonra 10 yaşında burnuna öz əli ilə muncuq soxduğunu və qorxudan indiyə qədər heç kimə demədiyini etiraf edən pasiyent artıq özünü yaxşı hiss edir, rahat nəfəs alır və baş ağrıları tamam keçib.