Samsung-dan ağıllı üzük

"Samsung" ənənəvi geyilə bilən cihazların hüdudlarını aşaraq, "Galaxy Ring" smart üzüyü hazırlayıb. Bu üzük təkcə ürək döyüntüsünü yoxlamır, həm də yuxu keyfiyyətini təhlil edir və istifadəçilərə onların fiziki, əqli cəhətdən gələcək günə hazır olub-olmadığını qiymətləndirən “canlılıq indeksi” adlı unikal funksiya təqdim edir.

News24.az xəbər verir ki, ağıllı cib telefonları, televizorlar, kompüterlər, displeylər və ağ əşyalar kimi istehlakçı elektronikası istehsalçısı olan "Samsung" istifadəçiyə ağıllı üzük "Galaxy Ring" ilə nə qədər məhsuldar ola biləcəyini görmək üçün canlılıq balı verəcək. Bu məlumatlara "Samsung Health" proqramı vasitəsilə daxil olmaq olar.

“Galaxy Ring” ağıllı saat taxmadan sağlamlığına nəzarət etmək istəyənlər üçün ideal alternativ olacaq. "Samsung" həmçinin, Galaxy Ring-ə smartfonlarda olduğu kimi təmassız ödənişlərə imkan verəcək bir xüsusiyyət əlavə etməyi nəzərdən keçirdiklərini söylədi. Məhsulun qiyməti və satışa çıxarılma tarixi hələ açıqlanmayıb.

Günel Məlikzadə