Husilərə məxsus 5 PUA məhv edilib

ABŞ Yəməndə İranın dəstəklədiyi husilərə məxsus 5 pilotsuz uçuş aparatının (PUA) məhv edildiyini bildirib.

News24.az xəbər verir ki, ABŞ Mərkəzi Komandanlığı (CENTCOM) X sosial media platformasında məsələ ilə bağlı açıqlama verib.

Açıqlamada, dünən Husilərin nəzarətində olan bölgələrdən havaya qalxan 5 İHA-nın bölgədəki ticarət gəmiləri və ABŞ donanması üçün "qabaqda təhlükə" olaraq qiymətləndirildiyi bildirilib.

Açıqlamada sözügedən PUA-ların Qırmızı dənizdə ABŞ təyyarələri və koalisiya gəmiləri tərəfindən məhv edildiyi qeyd edilib və naviqasiya azadlığının qorunacağı vurğulanıb.

Günel Məlikzadə