Dövlət qulluğuna qəbul üzrə qanunvericilik proqramında dəyişikliklər edilib

Dövlət qulluğuna qəbul üzrə qanunvericilik proqramında dəyişikliklər edilib.

News24.az xəbər verir ki, “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının 19 fevral 2019-cu il tarixli 1511-VQ nömrəli və “Azərbaycan Respublikasının Dövlət Himnindən istifadə qaydaları haqqında” Azərbaycan Respublikasının 19 fevral 2019-cu il tarixli 1512-VQ nömrəli qanunlarının qüvvəyə minməsi ilə əlaqədar olaraq dövlət qulluğuna qəbul üzrə müsabiqənin test imtahanı mərhələsinin qanunvericilik proqramında aşağıdakı dəyişikliklər edilib:

1. “Azərbaycan Respublikasının Dövlət gerbi haqqında Əsasnamə” “Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının Qanunu” ilə əvəz edilib.

2. “Azərbaycan Respublikasının Dövlət himni haqqında Əsasnamə” “Azərbaycan Respublikasının Dövlət Himnindən istifadə qaydaları haqqında” Azərbaycan Respublikasının Qanunu” ilə əvəz edilib.