Yaponiya qocalır

Yaponiyada kağız məmulatları üzrə ixtisaslaşmış “Oji Holdings” şirkəti tələbatın kəskin azalması səbəbindən sentyabr ayında uşaq bezlərinin istehsalını dayandıracağını bildirib.

News24.az xəbər verir ki, şirkətin satışları 2001-ci ildən bəri təxminən yarıya qədər azalıb.

Böyüklər üçün uşaq bezlərinin satışı Yaponiyada on ildən artıqdır ki, uşaq bezlərinin satışını üstələyir və əhalinin son statistikası bu tendensiyanın davam edəcəyini göstərir.

Yaponiyada doğulanların sayı 2023-cü ildə 1 milyon 590 min 503 ölümlə müqayisədə 758 min 631 nəfərlə ən aşağı səviyyəyə düşüb.

İctimai yayımçı NHK bildirib ki, 2022-ci ildə 15 yaşdan kiçik uşaqlar ölkə əhalisinin 12 faizindən azını, 65 və yuxarı yaşda olanların isə təxminən 30 faizini təşkil edəcək.

Qeyd edək ki, əhalinin indiki 125 milyondan 2065-ci ildə təxminən 88 milyona qədər azalacağı gözlənilir; Bu, 45 ildə 30 faiz azalma deməkdir.

Günel Məlikzadə