"Formula 1” pilotu qəzaya düşdü- maşının təkəri qopdu

"Formula 1" Azərbaycan Qran-prisində növbəti qəza baş verib. 

News24.az xəbər verir ki, ikinci sərbəst yürüş zamanı Böyük Britaniyanın “Racing Point” komandasından olan sürücü Lens Strollun idarə etdiyi bolid beton səddə çırpılıb. Qəza nəticəsində maşının sol təkəri sıradan çıxıb. Bolid trasdan evakuasiya olunub. 

Qeyd edək ki, səhər saatlarında baş tutan ilk sərbəst yürüş zamanı Böyük Britaniyanın “Williams” komandasının pilotu Corc Rassellin idarə etdiyi bolid lyuk qapağına toxunaraq qəzaya uğrayıb. Buna görə də birinci yürüş ləğv olunub.