Kocaelidəki bütün seçki nəticələrinə etiraz edildi

Kocaelinin Körfez rayonunda 401 qutuda səslərin yenidən sayılması üçün rayon seçki komissiyasına ərizə təqdim edilib.

News24.az xəbər verir ki, CHP İlçe sədri Gülseren Solmaz Altunal açıqlamasında 2-si səyyar olmaqla 401 qutuda səslərin yenidən sayılmasına etiraz etdiklərini bildirib.

“Səslərin sayılması zamanı elektrik kəsildiyi, bəzi çuvalların möhürlənmədiyi, protokollarda uyğunsuzluqlar olduğu” səbəbiylə səslərin yenidən sayılmasını istədiklərini ifadə edən Altunal, təkrar saymanın nəticələrə təsir edə biləcəyini qeyd edib.

Altunal rayon seçki heyətinə etdikləri müraciətin qiymətləndirildiyini bildirdi.

Qeyd edək ki, qeyri-müəyyən nəticələrə görə, AK Partiya namizədi Şener Söğütün 34 min 209 səslə bələdiyyə başqanlığını qazandığı Körfez rayonunda CHP namizədi Tayfun Balıkçı 32 min 814 səs toplayıb.

Günel Məlikzadə