Hansı qidalarda selenium var?

Bədəndə bir çox kritik rolu olan selenium mütləq şəkildə pəhrizə daxil edilməlidir. Be

News24.az xəbər verir ki, mikro mineral olan selenium orqanizmdə bir çox funksiyaya malikdir. İmmunitet sisteminin funksiyasını, məhsuldarlığı və zehni qabiliyyətini dəstəkləyən, maddələr mübadiləsində və qalxanabənzər vəzində kritik rol oynayan selenium gündəlik qida rasionuna daxil edilməlidir.

Seleniumun qeyri-kafi istehlakı ciddi sağlamlıq problemlərinə səbəb ola bilər. Bununla belə, həddindən artıq selenium istehlakı da zərərli təsirlərə səbəb ola bilər. Buna görə də, bu məsələ ilə bağlı hər hansı bir sualınız varsa, mütləq həkiminizlə məsləhətləşməlisiniz.

Mütəxəssislərin sağlam fərdlər üçün tövsiyə etdiyi gündəlik selenium istehlakı miqdarları aşağıdakılardır:

• Doğuşdan 6 aya qədər 15 mikroqram
• 7 aydan 3 yaşa qədər gündə 20 mikroqram
• 4-8 yaş üçün gündə 30 mikroqram
• 9-13 yaş üçün 40 mikroqram
• 14 yaş və yuxarı üçün 55 mikroqram

Bəs, hansı qidalardan əlavələrə ehtiyac duymadan selenium ala bilərsiniz? Budur cavab...

1. Bir çox balıq və dəniz məhsulları bol selenium ehtiva edir. Sardina, qızılbalıq, krevetka və istridyə kimi dəniz məhsulları, təxminən 40-65 mikroqram selenium ilə əvəzolunmazdır.

2. Mal əti də güclü selenium mənbəyidir. Seleniumun miqdarı istehlak edilən ətin haradan götürüldüyünə görə dəyişir. Lakin 1 dilim biftekdən 33 mikroqram, 1 dilim dana qaraciyərindən 28 mikroqram, 1 porsiya qiymədən isə 18 mikroqram selen ala bilərsiniz.

3. Qırmızı ətə alternativ olaraq istehlak edə biləcəyiniz hinduşka əti əhəmiyyətli bir selenyum qaynağıdır. 85 qram sümüksüz hinduşka ətində 31 mikroqram selenium var.

4. Toyuq çox zəngin bir selenium mənbəyidir. 85 qram ağ toyuq ətində təxminən 22-25 mikroqram selenium var.

5. Yumurta mühüm selen mənbəyidir və hətta bazarda selenlə zənginləşdirilmiş yumurta tapmaq mümkündür. 1 qaynadılmış yumurtada 20 mikroqram selen var.

Günel Məlikzadə