Millət vəkillərinin MAAŞI ARTDI - AZƏRBAYCANDA

Milli Məclisin deputatlarına əlavə xərclər üçün verilən vəsait iki dəfə artırılıb.

News24.az ONA-ya istinadən xəbər verir ki, deputatlara əlavə xərclər üçün verilən vəsaitin həcmi aprel ayından etibarən 730 manat məbləğində müəyyən edilib.

Qeyd edək ki, bundan əvvəl deputatlara əlavə xərclər üçün 360 manat verilib.

“Azərbaycan Respublikası Milli Məclisi deputatının statusu haqqında” qanunun 21-ci (Deputatın maddi təminatı) maddəsinə əsasən, parlamentin sədri 3 min 712 manat 50 qəpik, sədrin I müavini 3 min 340 manat 50 qəpik, Milli Məclis sədrinin müavini 3 min 154 manat 50 qəpik, Milli Məclisin komitə sədri 2 min 970 manat, komitə sədrinin müavini 2 min 784 manat, sıravi deputat isə 2 min 598 manat maaş alır.