Gürcüstanda güclü zəlzələ: Azərbaycanda gözlənilirmi?

Qonşu ölkə Gürcüstanda son günlərdə ardıcıl olaraq zəlzələlər baş verib.

Belə ki, iyunun 4-də 4,7 və 5,4 maqnitudalı 2 zəlzələ, ötən gün isə 3,6 ballıq zəlzələ qeydə alınıb.

Bəs, bunun Azərbaycana təsiri ola bilərmi?

News24.az Axar.az-a istinadən xəbər verir ki, mövzu ilə bağlı Mətbuat.az-a danışan seysmoloq Qulam Babayev Gürcüstanda baş verən yeraltı təkanların Azərbaycan ərazisinə də təsir göstərəcəyini bildirib.

"Azərbaycan nəhəng bir tektonik bölgənin daxilindədir. Ona görə də, təbii ki, təsiri olacaq. Amma nə zaman və hansı gücdə olmasını demək mümkün deyil. Təbii ki, həmin ölkəyə yaxın olan ərazilər, Kiçik Qafqazın şimal yamacı, tektonik zonalar, seysmik aktiv ocaqlar aktivləşə bilər", - seysmoloq deyib.