![Azərbaycanda dəhşətli qəza](/uploads/posts/2024-06/287b1789893d004a2eef39ce366a4409.webp)
-
- 19-06-2024, 14:00
- 225
Azərbaycanda dəhşətli qəza
Kürdəmirdə ağır yol-nəqliyyat hadisəsi baş verib.
News24.az “Qafqazinfo”ya istinadən xəbər verir ki, rayon sakini 1992-ci il təvəllüdlü Umudov Əflatun Əflan oğlunun idarə etdiyi “Mercedes” markalı avtomobil Cəyli kəndi ərazisində aşıb.
Bir neçə dəfə yuvarlanaraq əkin sahəsinə düşən maşının sürücüsü ağır xəsarətlər alıb.
Avtomobildə olan sərnişinlər - 1984-cü il təvəllüdlü Ceyhun Ağanəzər oğlu Xanalıyev, 1993-cü il təvəllüdlü Toğrul Hikmət oğlu Xanalıyev və 1982-ci il təvəllüdlü Süleyman Qarakişi oğlu Əhmədov hadisə yerində vəfat edib.
Vəfat edən şəxslərdən Ceyhunla Süleyman bacanaq olublar.
Sürücü Umudov Əflatun ağır vəziyyətdə Bakıya aparılıb.
Faktla bağlı araşdırma aparılır.