Kişilər, diqqət: növbəti 20 ildə bu xəstəliyə yoluxma artacaq

2050-ci ilə qədər kişilər arasında  genital xərçəng halları 77 faiz arta bilər.

News24.az Medianews.az-a istinadən xəbər verir ki, bu barədə The Conversation məlumat yayıb.

Penis xərçəngi nadir bir xəstəlikdir, lakin tezliyi getdikcə artır. Bəzi ekspertlər 2050-ci ilə qədər xəstələnmənin 77 faiz arta biləcəyinə inanırlar. Ən çox əziyyət çəkən inkişaf etməkdə olan ölkələr olacaq. Əsas risk faktoru 50-dən yuxarı yaşdır, lakin gigiyena qaydalarına riayət edilməməsi, cinsiyyət orqanının daralması və siqaret də rol oynayır. Statistikaya görə, doğulan kimi sünnət edilənlər kişilərdə penis xərçəngi nadir görülür.

Penis xərçəngi hallarının yarısı ən çox cinsi yolla keçən infeksiya olan insan papillomavirusu (HPV) ilə bağlıdır. Yetkinlərin 70 faizindən çoxu cinsi həyatın başlanğıcında yoluxur. HPV uzun illər asemptomatik ola bilər. Çox vaxt virus siğillərə və ya yaralara səbəb olur. Penis xərçənginin diaqnozu tez-tez günah və ya utanc səbəbindən gecikir. Ağır hallarda penisin amputasiyası lazım ola bilər və ilkin mərhələdə lazer və ya mikrocərrahiyyə kifayətdir.

HPV-nin 16 növü ən kanserogen viruslar sırasındadır. Penis, uşaqlıq boynu, ağız, boğaz, vagina və anus xərçəngi ilə əlaqələndirilir. HPV vaksinlərinin infeksiyadan qoruduğu və uşaqlıq boynu xərçəngi riskini azaltdığı sübut edilib.