Vergilər naziri vətəndaşlarla görüşüb

Vergilər naziri Mikayıl cabbarov Göyçay şəhərində 9 saylı Ərazi Vergilər İdarəsinin inzibati binasında vətəndaşları qəbul edib. 

Bu barədə News24.az-a Vergilər Nazirliyindən məlumat verilib.

Məlumata görə, qəbulda Göyçay, Kürdəmir, Ağdaş, Ucar, Zərdab, Yevlax, Bərdə, Tərtər, Ağdam, Şəki rayonlarının və Mingəçevir şəhərinin sakinləri iştirak edib.

Vətəndaşlar əsasən, vergi borcları, vergi orqanlarında işlə təminat, vergi uçotunun aparılması və elektron qaimələrin tətbiqi, kənd təsərrüfatı məhsullarının ixracı və vergi inzibatçılığı məsələləri ilə əlaqədar müraciət ediblər. Onların müraciətləri dinlənilib və nazirliyin struktur bölmələrinə aidiyyəti tapşırıqlar verilib.