İfadə vermək üçün Bakıya gətirilən rəis işdən çıxarılıb - Vəzifəsi bu şəxsə tapşırılıb

Dövlət Gömrük Komitəsinin Tovuz Gömrük İdarəsinin rəisi Elçin Şabanov vəzifəsindən azad edilib. 

News24.az xəbər verir ki, qaynarinfo-nun məlumatına görə, bu barədə Dövlət Gömrük Komitəsinin sədri Şahin Bağırov müaviq əmr imzalayıb. 

Tovuz Gömrük İdarəsinin rəisi vəzifəsi Qədirov Pərviz Paşa oğluna tapşırılıb. 

Qeyd edək ki, Pərviz Qədirov ötən ilin iyul ayında Dövlət Gömrük Komitəsinin Gəncə Gömrük İdarəsinin rəisi vəzifəsinə təyin olunmuşdu. 

Xatırladaq ki, bu ilin may ayında Tovuz Gömrük İdarəsində əməliyyat yoxlaması zamanı gömrük əməkdaşlarının qeyri-qanuni əməlləri aşkar edilib. Qanunsuzluqlara görə Tovuz Gömrük İdarəsinin rəisi Elçin Şabanov dindirilmə üçün Bakıya gətirilib. DGK tərəfindən Elçin Şabanovla bağlı hər hansı bir məlumat verilmir.