Riçard Almeyda Azərbaycan çempionatlarında 50-ci qolunu vurdu

Riçard Almeydanın yubiley topu Azərbaycan Premyer Liqasının I turuna təsadüf edib.

News24.az Oxu.Az-a istinadla xəbər verir ki, 35 yaşlı yarımmüdafiəçi "Araz-Naxçıvan"la səfər oyununda (4:1) vurduğu qolla yüzü yarılayıb. Riçard 50-yə Premyer Liqada keçirdiyi 268-ci matçda çatıb. Yarımmüdafiəçi Azərbaycan çempionatları tarixinə ən azı 50 qol vuran 40-cı futbolçu kimi düşüb.

Qeyd edək ki, 2012/13 mövsümündən Premyer Liqada çıxış edən Almeyda ilk qolunu da həmin çempionatda vurub. Yalnız "Qarabağ"ın heyətində rəqib qapısına yol tapan yarımmüdafiəçi bir müddət "Zirə"nin də formasını geyinib.