Psixopatik qadınların MAKİYAJI

Psixopatik qadınlar minimal və nadir hallarda fərqli makiyaj edirlər. 

News24.az xəbər verir ki, bunu Archives of Sexual Behavior (ASB) jurnalında dərc olunan araşdırma göstərib.

Bu xüsusiyyət Braziliyanın Sao Paulo Universitetinin tədqiqatçıları tərəfindən aşkar edilib. Onlar 1410 qadını işə götürüblər və onlardan beş böyük şəxsiyyət xüsusiyyətlərini qiymətləndirən psixoloji testdən keçmələrini istəyiblər. Bunlara nevrotiklik (dəyişkənlik və geri çəkilmə), ekstraversiya (ünsiyyətcillik və iddialılıq), təcrübəyə açıqlıq (ağıllılıq və açıqlıq), vicdanlılıq (zəhmətkeşlik və nizam-intizam) daxil olub.

Alimlər həmçinin subyektlərin makiavelizm, narsisizm və psixopatiya əlamətlərinə nə dərəcədə malik olduğunu qiymətləndiriblər. Makiavelistlər öz mənfəətlərini güdərkən son dərəcə hesablı olurlar və şəxsiyyətlərarası manipulyasiya, aldatma, qəddarlıq və impulsivliyə meyllidirlər. Narsissizm böyüklük, qürur, empatiyanın olmaması ilə, psixopatiya isə antisosial davranış, impulsivlik, eqoizm, laqeydlik və amansızlıqla xarakterizə olunub.

Araşdırmanın ikinci mərhələsində qadınlara nə qədər tez-tez makiyaj etdikləri, hansı məhsullardan istifadə etdikləri və müxtəlif sosial vəziyyətlərdə makiyajı necə tətbiq etdikləri soruşulub. Məlum olub ki, müntəzəm olaraq çoxlu kosmetik vasitələrdən istifadə edən qadınlar narsisizm miqyasında daha yüksək nəticə əldə ediblər. Psixopatların isə makiyajlarını müxtəlif hadisələrə uyğunlaşdırmaq ehtimalı az olub və prinsipcə, minimum kosmetik vasitələrdən istifadə ediblər.

Məryəm İlhamqızı