Soyuducudan gələn pis qoxuya "dur" deyin

Soyuducularda pis qoxular xarab olmuş və ya açıq saxlanılan yeməklər  səbəbindən yayılmağa başlaya bilər. Soyuduculardakı pis qoxuları aradan qaldırmaq üçün ilk ağıla gələn üsul soyuducunu boşaltmaq və tamamilə təmizləmək olsa da, əslində soyuduculardakı pis qoxudan bundan çox daha asan xilas ola bilərsiniz. 

News24.az xəbər verir ki, praktik məlumatlar arasında pis qoxunu aradan qaldırmaq üçün hiylə olan təbii üsullar aşağıdakılardır:

Çay yarpaqları: Dəmlənmiş çay yarpaqları iy tutma xüsusiyyətinə malikdir. Soyuducudakı pis qoxudan xilas olmaq üçün bir qaba doldurun və soyuducunun ortasına qoyun. Burada 12 saat çay gözləmək, soyuducunun pis qoxuların olmamasına zəmanət verəcək.

Soda: Soyuduculardakı pis qoxudan qurtulmağın başqa bir yolu təbii təmizləyici məhsul olan sodadan kömək almaqdır. Bir qab soda götürün və soyuducuda bir yerə qoyun. Soda pis qoxuları tutacaq. Bir neçə gündən bir dəyişdirməyi unutmayın.

Türk qəhvəsi tozu: Türk qəhvəsi tozu hakim qoxusu ilə də soyuducudakı pis qoxuları aradan qaldırmağa kömək edir. Bir qab türk qəhvəsi tozunu soyuducuda saxlamaq pis qoxunu tamamilə yox edir, həm də soyuducunun xoş qoxusuna kömək edir.

Limon dilimləri: Soyuducudakı pis qoxudan xilas olmaq üçün 1 limonu dilimləyib soyuducunun içindəki qaba qoyun. Limon şkafdakı pis qoxunu tutsa da, içərisində təzə bir qoxu da yaradacaq.

Alma sirkəsi: Salatlardan ev təmizliyinə qədər bir çox fərqli sahədə istifadə oluna bilən alma sirkəsi soyuduculardakı pis qoxuların da aradan qaldırılmasına kömək edir. Bir qabda bərabər miqdarda su və alma sirkəsini qarışdırın və soyuducuda saxlayın. Pis qoxuların qısa müddətdə yox olduğunu görəcəksiniz.

Süd: Soyuducuda açıq qalan südün bir hissəsi də soyuducudakı pis qoxulardan qurtulmanıza kömək edəcək.

Məryəm İlhamqızı