Qoca Bayden Jessica Albadan iş istədi!

Yanvarda səlahiyyət müddəti başa çatacaq ABŞ prezidenti Co Bayden məşhur Hollivud ulduzu Cessika Albadan zarafatyana iş istəyib.

News24.az xəbər verir ki, Ağ Evdə Latın Amerikası və İspan Amerikalıları qonaq edən Bayden, Albanın milyard dollarlıq şirkətinə işarə edərək, "Jessica, əgər çox uğurlu olsam, mənə iş tapa bilərsənmi?" dedi. Bu sözlər iştirakçılar tərəfindən alqış və gülüşlə qarşılanıb.

Bayden, Respublikaçılar Partiyasının prezidentliyə namizədi Donald Trampın anti-immiqrant ritorikasına da cavab olaraq, "Biz immiqrantları şeytanlaşdırmırıq. Onları hücumlar üçün hədəf almırıq. Onların ölkəmizin qanını zəhərlədiyini düşünmürük. Biz immiqrantlar tərəfindən qurulan bir millətik və gücümüz buradan gəlir" dedi.

81 yaşlı Bayden iyul ayında üzləşdiyi təzyiqlərə görə prezidentlik yarışından çəkiləcəyini açıqlamış və vitse-prezidenti Kamala Harrisi dəstəkləyəcəyini bildirmişdi.

Günel Məlikzadə