Məşhur müğənni: Nəvəsini xalta ilə gəzdirən nənəni...

Rusiyalı məşhur müğənni Lolita Milyavskaya kvadrober (heyvanların hərəkət və vərdişlərini təqlid edənlər) uşaqların valideynlərindən reallıq hissini itirməmələrini xahiş edib. 

News24.az Rusiya KİV-nə istinadən xəbər verir ki, müğənni kvadrobinqin tullanma və heyvan hərəkətlərinə əsaslanan idman növü olduğunu, heyvan hərəkətlərinin bunun hissəsini təşkil etdiyini, həmçinin incəsənət universitetlərində tətbiq olunduğunu deyib. 

“Amma bu məsələ həddən artıq olarsa, nənələr balaca uşağın boynuna xalta taxaraq pişik kimi təbii ehtiyacını ödəməyə aparırsa, bu zaman nənədən psixiatrın yanına getməsini xahiş edərdim. Ona görə də heç bir ifrata yol vermədən idman növü ilə idmanda mövcud olan anomaliyaları ayırd etmək lazımdır”, - deyə müğənni bildirib.