"Həmişə arzum idi" - Ronaldo

Portuqaliyalı dünya ulduzu Kriştiano Ronaldo öz saat kolleksiyasını təqdim edib.

News24.az xəbər verir ki, Kriştiano Ronaldo sosial şəbəkədə paylaşım edərək The Jacob & Co. əməkdaşlıqda istehsal olunan Flight of CR7 və The Heart of CR7 saatlarını nümayiş etdirib.

Hər iki saat Ronaldonun simvolik anlarından ilhamlanıb. Saatlar brilyantlı və brilyantsız buraxılıb.

İki saatın dizaynı oxşar olsa da, CR7 uçuşunda qırmızı və qızılı tonlar üstünlük təşkil edib. 

Digər saatda yaşıl və boz rənglər seçilir. Flight of CR7-də Ronaldonun Real Madriddə oynayarkən Mançester Yunaytedə vurduğu baş qolu simvollaşdırılıb.

Heart of CR7-də Portuqaliya milli komandasının möhtəşəm anı var.

Bildirilib ki, saatların qiymətləri brilyant olub-olmamasından asılı olaraq 29 min ilə 154 min dollar arasında dəyişir.

Məryəm İlhamqızı